سياسة الخصوصية

السياسة دي بتوضّح البيانات اللي بنجمعها لما تزور buildwithamr.com أو تشترك في الكورس، وبنستخدمها في إيه، ومين بيشوفها. المسؤول عن بياناتك هو عمرو رضا (تركيا)، وتقدر تتواصل علىadmin@amreda.com.

1. البيانات اللي بنجمعها

• بيانات الشراء: اسمك وإيميلك، وبيانات الطلب (الباقة، المبلغ، تاريخ الدفع، رقم الطلب).
• بيانات الدفع بالكارت: بيدخلها Polar مباشرة، وإحنا مش بنشوف ولا بنحتفظ برقم الكارت أو بياناته.
• الدفع من داخل مصر: رقم الواتساب وصورة التحويل والإيميل اللي بتبعتهم لنا علشان نأكد الدفع ونفعّل اشتراكك.
• بيانات تصفّح الموقع: عنوان الـ IP، ونوع المتصفح والجهاز، والصفحات اللي زرتها، وكود قصير للطلب بيتحفظ 30 يوم لربط زيارتك برسالة الواتساب.

2. بنستخدم بياناتك في إيه

• تأكيد الدفع وتفعيل اشتراكك وإرسال دعوة الكورس والمجتمع.
• الرد على أسئلتك وطلبات الدعم والاسترداد.
• قياس أداء إعلاناتنا وتحسينها.
• حماية الموقع ومنع إساءة الاستخدام.

3. الكوكيز وأدوات القياس

بنستخدم Meta Pixel (فيسبوك وإنستجرام)، اللي بيحط كوكيز في متصفحك لقياس زيارات الموقع والمشتريات اللي جاية من إعلاناتنا. لما بنبعت لـ Meta بيانات شراء من السيرفر، بنبعت الإيميل ورقم التليفون بعد تشفيرهم بطريقة مش ممكن الرجوع منها (Hashing). تقدر تمسح الكوكيز من إعدادات متصفحك، وتتحكم في الإعلانات اللي بتشوفها منإعدادات الإعلانات في فيسبوك.

4. مين بيشوف بياناتك

مش بنبيع بياناتك لحد. بنشاركها بس مع الخدمات اللي بنحتاجها علشان نقدّم الكورس:

• Polar: الدفع بالكارت والفواتير والضرائب.
• Skool: استضافة الكورس ومجتمع المشتركين.
• Cloudflare: استضافة الموقع وحمايته وإرسال إشعارات الطلبات.
• Meta: قياس الإعلانات.
• WhatsApp: التواصل وتأكيد الدفع من داخل مصر.

كل خدمة من دول ليها سياسة خصوصية خاصة بيها، وممكن تخزّن البيانات في دول غير بلدك.

5. بنحتفظ ببياناتك قد إيه

بنحتفظ ببيانات الاشتراك طول ما اشتراكك قائم، وبعدها للمدة اللي يطلبها القانون (زي سجلات المبيعات والفواتير). كود الطلب الخاص بالواتساب بيتمسح تلقائيًا بعد 30 يوم.

6. حقوقك

من حقك تطلب نسخة من بياناتك، أو تصحيحها، أو مسحها، أو توقف استخدامها في الإعلانات، في حدود القانون المعمول به. ابعتلنا على admin@amreda.com وهنرد عليك في أقرب وقت.

7. تحديث السياسة

ممكن نحدّث السياسة دي من وقت للتاني، وتاريخ آخر تحديث مكتوب فوق.